Hech bir narsa sportchalik mamlakatni dunyoga tez mashhur qila olmaydi. Islom Karimov


Nukusda saralash musobaqalari

2015.04.27 | Yangiliklar

 

 

 

 

 

 

 

 

 

 

 

 

 

Nukusda umumta’lim maktablari o‘quvchilari o‘rtasida o‘tkaziladigan “Umid nihollari – 2015” sport o‘yinlarining qo‘l to‘pi bo‘yicha saralash musobaqalari tashkil etildi. Unda Toshkent shahri va barcha viloyatlardan kelgan 14 jamoa o‘zaro kuch sinashdi.
– Musobaqani yuqori saviyada o‘tkazish uchun puxta tayyorgarlik ko‘rilgan, – deydi musobaqa hakami Bobur Latipov. – Zamonaviy sport zallari va barcha qulayliklarga ega mehmonxona ishtirokchilar ixtiyorida. Turli ko‘ngilochar tadbirlar, konsert dasturlari yosh sportchilarga manzur bo‘ldi. Eng muhimi, barcha jamoalar juda yaxshi tayyorgarlik bilan kelganini namoyish etdi.
Yakuniy natijalarga ko‘ra, o‘g‘il bolalar o‘rtasida Qoraqalpog‘iston Respublikasi, Samarqand va Jizzax viloyatlari hamda Toshkent shahri o‘quvchilari, qizlar o‘rtasidagi bahslarda esa Qoraqalpog‘iston Respublikasi, Samarqand, Sirdaryo va Navoiy viloyatlari jamoalari “Umid nihollari – 2015” sport o‘yinlarining final bosqichiga yo‘llanma oldi.

Aminboy Ortiqboyev, Maqsad Habibullayev (surat),O‘zA

O'zbekiston Respublikasi Xalq ta'limi vazirligi

Materiallardan to'liq yoki qisman foydalanilganda, umidnihollari.uz manbasi ko`rsatilishi shart.

Sayt sinov tariqasida ishga tushirildi.

Sayt yaratuvchisi MUDRM.